Գրիգորը հարցազրույցներից մեկում նշել է, որ փորձում է օբյեկտիվ մոտենալ յուրաքանչյուր երևույթի և երբեք չի ասի, որ իր երեխան լավագույնն է։ Այնուամենայնիվ, շատերն են փաստում, որ տղան շատ լավ է ներկայացել քասթինգին։ «Նա բացարձակ կոմպլեքսներ չունի։
Մեկ–մեկ նույնիսկ կարող եմ ասել` ստոպ, որպեսզի չափը չանցնի»,– ասաց նա։ Հայրը նշեց, որ որդին բոլորի պես մի քանի փուլով քասթինգ է անցել։ Գրիգորը կարևորում է, որ տղան հաջողությունների հասնի սեփական ուժերի և աշխատասիրության շնորհիվ։
